Volumeپاکستانی زبانوں سے مراد وہ زبانیں ہیں، جو پاکستان میں بولی جاتی ہیں اور جنھیں پہلے غلط طور پر صوبائی زبانیں یا علاقائی زبانیں قرار دیا جاتا تھا۔ ان زبانوں اور بولیوں میں حیرت انگیز تنوع پایا جاتا ہے۔ محققین اور مستشرقین کے مطابق پاکستان میں ۷۶، ۷۳ یا۷۷ بولیاں رائج ہیں۔ اس مقالے میں انھی زبانوں اور بولیوں میں سے اہم ترین بولیوں کا تعارف ان کے لسانیاتی پس منظر کے ساتھ بیان ہوا ہے نیز مقالہ نگار نے ان بولیوں کے حوالے سے کچھ حقائق بھی پیش کیے ہیں، جو مبنی برتحقیق ہیں۔
