طلسمی حقیقت نگاری، جو جادوئی حقیقت نگاری کے نام سے بھی معروف ہے، فکشن کی ایک تکنیک ہے۔ یہ تکنیک سب سے پہلے لاطینی امریکا کے فکشن میں استعمال ہوئی اور اب دنیا بھر کے ادب میں مروج اور مستعمل ہے۔ زیرِنظر مقالے میں اسی تکنیک کا تعارف پیش کیا گیا ہے اور بتایا گیا ہے کہ اس تکنیک میں حقیقت اور تخیل کا امتزاج کس طرح وقوع پذیر ہوتا ہے ۔ اس کے علاوہ اس مقالے میں مختلف مقامات، بیانیوں اور ثقافتوں میں جادوئی حقیقت نگاری کی مختلف حیثیتیں بھی بیان کی گئی ہیں۔