Volumeکشمیر کا شمار خطۂ ارض کے چند خوش قسمت ترین علاقوں میں ہوتا ہے۔یہ قبل ازمسیحی عہد سے ۱۹۴۷ء تک مختلف شاہیوں کے زیر اثر رہا ہے۔ پنجاب کے طاقت ور حکمران رنجیت سنگھ نے انگریزوں، ڈوگروں اور کشمیری پنڈتوں کی مدد سے کشمیر پرقبضہ کیا۔ رنجیت سنگھ کے کشمیر پر قبضے سے صدیوں پرمحیط مسلم حکمرانی کا عہد اختتام پذیر ہوا۔ غیر مسلم حکمرانی کا آغاز اہل کشمیر کے لیے ہر اعتبار سے مسائل کا سبب بنا۔ رنجیت سنگھ کے کشمیر میں موجود نمائندے اسی کی طرح ظالم اور بددیانت تھے۔ انھیں رنجیت سنگھ کی بھر پور معاونت حاصل تھی۔ یہ مقالہ کشمیر پر رنجیت سنگھ کے عہدحکمرانی اور کشمیر پر اس کے قبضے میں برطانیہ کے کردار کو زیر بحث لاتا ہے۔
