Visitors have accessed this post
6 times.
مغلیہ ہندوستان میں لارڈ لیک (۱۸۰۳ء) کے بڑے شہروں پر
قبضے کے بعد ایسٹ انڈیا کمپنی کے مقتدر ملازمین نے یہاں کے بہت سے معاملات میں
توسیع کی طرف توجہ دی۔ اسی کے زیرِ اثر روایتی تعلیمی نظام کے معاملات بھی زیرِ
بحث آئے۔ لہٰذا انھوں نے کلکتہ میں ایک کمیٹی تشکیل دی جس کے تحت جے۔ ایچ۔ ٹیلر
کو ایک رپورٹ بنانے کا کام تفویض کیا گیا جس میں مسلمانوں کے تعلیمی اداروں کی
موجودہ صورت حال کو زیرِ بحث لایا گیا۔ یہ رپورٹ جو ۱۷جنوری ۱۸۲۴ء کو تیار کی
گئی تھی۔ اگرچہ یہ بہت سے اہم نکات پر مشتمل تھی جس پر ہندوستان کی آئندہ تعلیمی
پالیسی کی بنیاد قائم کی گئی، لیکن اب یہ مطبوعہ شکل میں موجود نہیں۔ مقالہ نگار
نے اس رپورٹ کی اہمیت کو مدنظر رکھتے ہوئے ہندوستان میں مشرقی تعلیم کے حوالے سے
مختلف پالیسیوں کو موضوع بحث بنایا ہے۔
|