Volumeڈاکٹر شبیہ الحسن بطور نقاد نفسیاتی محرکات کے زیرِ اثر پروان چڑھنے والے ادب پاروں کو اپنی تنقیدی نفسیات کے ذریعے فکر انگیزبنا دیتے ہیں۔ ان کی نفسیاتی تنقید میں مناسبت اور معنویت جیسی خصوصیات ملتی ہیں۔ وہ فن پاروں کا مطالعہ اس انداز سے کرتے ہیں کہ خود کو تخلیق کار کی نفسیاتی الجھنوں سے وسیع حد تک واقف کر لیتے ہیں۔ ان کا نفسیاتی اندازتنقید عصری تنقیدی رجحانات سے پوری طرح ہم آہنگ ہے۔ وہ پوری کوشش کرتے ہیں کہ مطالعہ صرف ان کی چشمِ ذات تک محدود نہ ہو بل کہ اس کا تناظر وسیع ہو جائے۔
