Volumeڈاکٹر سلیم اختر کثیر الجہات شخصیت کے مالک ہیں۔ ادب میں تاریخ، تنقید، اقبالیات، طنز و مزاح اور افسانہ نگاری ان کے خاص میدان ہیں۔ ڈاکٹر سلیم اختر کے افسانوں کے موضوعات میں خاصا تنوع ملتا ہے۔ وہ زندگی کے سیاسی، سماجی، معاشرتی، نفسیاتی اور جنسی مسائل کو مختلف زاویوں سے دیکھتے ہیں۔ تب اسے افسانے کے قالب میں ڈھالتے ہیں۔ یہی وجہ ہے کہ بظاہر معمولی نظر آنے والے واقعات بھی معاشرتی سطح کے ساتھ ساتھ ایک نفسی اور داخلی کیفیت کے حامل نظر آنے لگتے ہیں۔ اس مقالے میں ڈاکٹر سلیم اختر کے افسانوں میں سماجی حقیقت نگاری کے مباحث شامل ہیں۔
