Volumeدیگر اصنافِ ادب کی نسبت اردو میں ڈرامے کو کم اہمیت دی گئی۔ قیامِ پاکستان کے بعد ڈراموں کی تدوین کا کام شروع ہوا۔ امتیاز علی تاج نے اس سلسلے میں پہلا عملی قدم اٹھایا اور ڈرامے کی تدوین کی پہلی جلد ۱۹۶۹ء میں منظرِ عام پر آئی۔ وہ اپنی زندگی میں چھے جلدیں مکمل کر پائے۔ پانچ جلدیں سید وقار عظیم نے مرتب کیں۔ اگرچہ بعد ازاں اس کام کو عشرت رحمانی اور میرزا ادیب نے بھی آگے بڑھایا لیکن ڈرامے کی تدوین کا کام مکمل نہ ہو سکا۔ حتیٰ کہ پاکستانی ڈرامے بھی شائع نہ ہو سکے۔
