منٹو کے افسانوں کے موضوعات عام طور پر انسان کی روز مرہ زندگی سے متعلق ہوتے ہیں۔ منٹو کا افسانہ "نیا قانون" نچلے طبقے کے تجربات و مشاہدات پر مبنی ہے۔ انسان جس طرح کا پیشہ اختیار کرتا ہے اسی کے مطابق اس کا ذہن بھی وسعت پاتا ہے۔ اس افسانے کا مرکزی کردار ایک کوچوان ہے۔ اس کردار کی زبانی منٹو نے گورنمنٹ انڈیا ایکٹ ۱۹۳۵ء کو تنقید کا نشانہ بنایا ہے۔ یہ ایکٹ ہندوستان کے عوام کے مسائل کے پیش نظر نئی اصلاحات نافذ کرنے کے لیے مرتب کیا گیا تھا۔