اقبال نے ہر سطح اور ہر شعبے میں نوجوانوں کے خیالات کی تشکیل نو میں اپنا کردار ادا کیا ہے۔ اقبال نے نوجوانوں کے خیالات میں سب سے بڑی تبدیلی اس وقت پیدا کی جب انھیں تقلید اور پیروی جیسی بیماری سے بچنے کا درس دیا۔ اقبال نے نوجوانوں کو حرکت وعمل اور خودی کا درس دیا اور نوجوانوں کے ذہنوں کو جھنجھوڑتے ہوئے انھیں اپنا جہان آپ پیدا کرنے کی دعوت دی۔ اس مقالے میں اقبال کے نوجوانوں کے حوالے سے خیالات کا جائزہ لیا گیا ہے۔