Volumeمولوی امام بخش صہبائی کا شمار فارسی زبان کے اہم شعرااور اردو زبان کے اہم ادیبوں میں ہوتا ہے۔ لسانیا ت ان کی تحقیق کا ایک اہم شعبہ رہا ہے۔ ‘‘حدائق البلاغت’’ اور ‘‘رسالہ صرف و نحوی اردو’’ ان کے لسانیات کے ساتھ خصوصی شغف پر دلالت کرتاہے۔ یہ تحقیقی مقالہ ان کے اردو گرامر کے حوالے سے کیے گئے کام کا تنقیدی وتحقیقی جائزہ پیش کرتا ہے۔ انھوں نے جن اصولوں کی طرف ہماری رہنمائی کی ہے وہ عربی گرامر کی اصطلاحات اور طریقِ کار کو مد نظر رکھ کر متعین کیے گئے ہیں۔ انھوں نے جملے کو دو قسموں ‘‘جملۂ خبریہ’’ اور‘‘ جملۂ انشائیہ’’ میں تقسیم کیا ہے۔ اسم، فعل، حرف کے حوالے سے بھی کافی اہم مباحث چھیڑے گئے ہیں جن کا تحقیقی و تنقیدی جائزہ اس مقالے کا موضوع ہے۔
