Volumeمولانا حالی کے بعد شبلی دوسری بڑی علمی اور ادبی شخصیت تھے جو سرسید کی اصلاحی تحریک کے سرگرم رکن بن گئے۔ شبلی نعمانی ایک مؤرخ تھے۔ انھوں نے شاعری کو اپنا مستقل وظیفہ نہیں بنایا، لیکن کچھ واقعات کی نوعیت کے پیش نظر وقتاً فوقتاً شاعری کی طرف متوجہ ہوتے رہے۔ شبلی کی شاعری کا ایک بڑا حصہ قومی و ملی شاعری پر مشتمل ہے ان کی ملی شاعری میں اسلام اور اسلامی اقدار کا ذکر ملتا ہے۔ حالی کی طرح شبلی نے بھی مسلمانوں کو ان کے ماضی کی شان دار تصویر دکھا کر حال کو سنوارنے کا درس دیا۔
