Volumeزیرِ نظر مقالے میں مقاصد شریعت کی روشنی میں اسلامی مالیاتی نظام کی ضرورت اور اہمیت کو بیان کرتے ہوئے مقاصد شریعت کے تاریخی پس منظر اور ان کی درجہ بندی پر ایک نئے نقطۂ نظر سے بحث کی گئی ہے اور کوشش کی گئی ہے کہ مقاصد شریعت کی روشنی میں ضرورت اور حاجت سے متعلق فرق کو واضح کرتے ہوئے ان اصول و ضوابط کو بیان کیا جائے جن کی مدد سے اسلامی بینک کاری کے محقق پر یہ واضح ہو جائے کہ مالی معاملات میں ضرورت اور حاجت کے قواعد، کہاں اور کیسے استعمال ہوتے ہیں؟ کیا یہ قواعد ہر قسم کے امور میں رخصت کا سبب بنتے ہیں؟ کیا حاجت کبھی ضرورت کے قائم مقام ہوتی ہے؟ اگر ہوتی ہے تو کیا وہ ضرورت حقیقی کے درجے پر رخصت کا سبب بنتی ہے؟ ان تمام سوالوں کے جواب حاصل کرنے کے علاوہ اس مقالے میں ان قدیم و جدید مالی معاملات کا فقہی تجزیہ بھی کیا گیا ہے جن میں کہیں تو بجا اور کہیں بے جا رخصت دی گئی ہے۔
