شیخ سعدی فارسی زبان وادب کی ایک قد آور شخصیت ہیں۔ اُن کا کام منظوم ومنثور ہے۔ ‘‘پندنامہ’’ جو ‘‘کریما’’کے نام سے بھی مشہور ہے، نصیحتوں پرمشتمل اُن کی شاہ کار تصنیف ہے۔ ‘‘گلستان’’ اور ‘‘بوستان’’ کی طرح برصغیر کے ادبی حلقوں پراِس کا گہرا اثر ہے۔ اگرچہ یہ کتاب آسان اور سادہ زبان میں لکھی گئی ہے تاہم شارحین نے اس کی زود فہمی کی غرض سے بہت سی شرحیں لکھی ہیں۔ یہ مضمون‘‘ کریما’’ پر برصغیر کے علما کی لکھی گئی شروح کا تعارفی مطالعہ پیش کرتا ہے۔