Volumeمشتاق احمد یوسفی کی تمام تخلیقات اور خاص طور پر چراغ تلے میں مرزا عبدالودود بیگ کا کردار ہر جگہ چھایا ہوا ہے۔ اس کردار کے بغیر مصنف کے خیالات و احساسات کو ‘‘مثالی’’نہیں کہا جا سکتا۔ اس کردار کو محض مسخرہ یا مزاحیہ کردار تصور کرنا قطعاً درست نہیں ہے بل کہ جس طرح مشتاق احمد یوسفی اپنی بصیرت و ذکاوت کے باعث اپنی پہچان رکھتے ہیں اسی طرح ان کا ہمزاد بھی کردار نگاری کے حوالے سے بہت اہم مقام رکھتا ہے۔
