حافظ محمود شیرانی اردو مخطوطہ شناسی کے بنیاد گزارہیں۔ اس بات کا سہرا بھی انھی کے سر بندھتا ہے کہ اردو زبان کی تدوین کے لیے انھوں نے اُصول متعارف کروائے۔ انھوں نے بڑی محنت سے "خالق باری" اور "دیوان ذوق" کی تدوین کی جو آنے والے اردو محققین کے لیے تدوین کے ضمن میں معاون ثابت ہوئی۔ بلاشبہ وہ اس بات کے مستحق ہیں کہ انھیں اردو مخطوطہ شناسی کا بانی قرار دیا جائے جو اس مقالے کی تحریر کا مقصد بھی ہے۔