Volumeاُردو ادب کی تنقیدی روایت میں محاکات اور مصوری سے متعلق مباحث خاصے الجھے ہوئے ہیں۔ اس مضمون میں یہ کوشش کی گئی ہے کہ مذکورہ دونوں اصطلاحات میں پائے جانے والے افتراقات اور اشتراکات کا تحقیقی اور تنقیدی نقطۂ نظر سے مطالعہ کیا جائے تاکہ خلطِ مبحث کی گنجائش ختم ہو اور امیجری کی نسبتاً جدید اصطلاح کے تناظر میں مذکورہ اصطلاحات کا تجزیہ کیا جائے تاکہ ان کی ہم آہنگی اور اختلاف کی صورتیں واضح ہو سکیں۔زیرِ نظر مقالے میں نہ صرف یہ کہ امیجری کی مختلف صورتوں کی وضاحت کی گئی ہے بلکہ محاکات کے تصور پر بھی کافی تفصیل سے بات ہوئی ہے تصویر اور محاکا ت میں فنی حوالے سے فرق کی وضاحت کی گئی ہے، مولانا شبلی کے تصورِ محاکات نگاری پر روشنی ڈالی گئی ہے، محاکات اور متخیلہ کے تعلق پر بات کی گئی ہے اور استعارے اور محاکات کے باہمی تعلق کو بھی زیرِ بحث لایا گیاہے۔
