Volumeاُردو کی خواتین افسانہ نگاروں نے ماحول سے وابستہ مسائل کے ساتھ ساتھ اپنے باطنی مسائل کو بھی موضوع بنایا ہے۔ عورت کی دوہرے دباؤ کی شکار شخصیت اُس کی افسانوی تخلیقات میں زیادہ شدت اور گہرائی کے ساتھ سامنے آتی ہے۔ اُردو افسانے کی روایت میں ایسی بہت سی خواتین افسانہ نگار نظر آتی ہیں جنھوں نے اپنے دور کے عمومی رجحانات کے ساتھ اپنے انفرادی تجربات، باطنی احساسات اورایک عام عورت کی پیچیدہ ذہنی کیفیات کو بھی اپنی کہانیوں میں بیان کیا ہے۔اس مضمون میں ممتاز شیریں، حجاب امتیاز علی، قرۃ العین حیدر، بانو قدسیہ، خالدہ حسین، ام عمارہ، عطیہ سید اور فرحت پروین وغیرہ کی کہانیوں کا جائزہ لیتے ہوئے عورت کے جہانِ باطن میں جھانکنے کی کوشش کی گئی ہے۔
