اقبال اس طبقے کے نمائندہ شعرا میں سے ہیں جو جدوجہد، عمل، حوصلہ، عزم اور روشن مستقبل کی نوید سناتے ہیں۔ ان کی شاعری میں انسانی عظمت، عزم، حوصلہ، بلندی، وقار، خودی اور دیگر کئی ایسے پہلو نظر آتے ہیں جو انسان کو مایوس نہیں ہونے دیتے بلکہ حوصلہ دیتے ہوئے خوب سے خوب تر کی تلاش کی جانب مائل کرتے ہیں۔ اس مقالے میں اقبال کی شاعری میں عزم و حوصلہ اور روشن مستقبل کے اشعار کا تحقیقی و تنقیدی مطالعہ کیا گیا ہے۔