Volumeمولانا ظفر علی خان اور علامہ شبلی نعمانی کا ربط ضبط اور باہمی تعلق محققین کا موضوع نہیں بنا۔ جب کہ ماضی میں ان دونوں کے درمیان ذہنی ہم آہنگی اس قدر زیادہ ہے کہ اس حوالے سے تحقیق کے نئے در وا کرنے کی ضرورت ہے۔ یہ مقالہ بھی اسی سلسلے میں ایک کاوش ہے، جس میں مذکورہ دونوں شخصیات کے مابین باہمی اخلاق اور ربط کا اندازہ لگانے کے لیے مولانا ظفر علی خان کے اخبار زمیندار میں علامہ شبلی کے ذکر کو بنیاد بنایا گیا ہے۔ مقالہ نگار کا خیال ہے کہ ان کے باہمی تعلقات کا اندازہ لگانے کا ایک زاویہ یہ بھی تھا، جسے پہلی بار اس مقالے کے ذریعے منکشف کیا گیا ہے۔
