Volumeچونکہ خدا کے وجودپر دنیا کی تمام اقوام یقین رکھتی ہیں اس لیے حمدایک آفاقی صنف ہے۔ حمد کا مطلب ہے اللہ تعالیٰ کی تعریف۔ جب ایک باشعور انسان اپنا اور باہرکی وسیع دُنیا کا، بے شمار جاندار اور بے جان چھوٹی بڑی اشیا کا اوربہت چھوٹے ذرے سے لے کر لامحدود کائنات کا مشاہدہ کرتا ہے تو وہ حیران و ششد ر رہ جاتا ہے۔پھر وہ اپنے خالق کی تعریف کیے بغیر نہیں رہتا۔ دُنیا کے دیگر ادب کی طرح اردو ادب میں بھی صنفِ حمد کا ایک اہم مقام ہے۔ اس مضمون میں یہ بحث کی گئی ہے کہ حمد کیا ہے؟ اور اس کا مطلب کیا ہے؟مزید برآں معروف اسکالروں، نقادوں اور ادبی شخصیات کے حمد کے بارے میں نظریات کو اس مضمون میں بیان کیا گیا ہے۔
