یہ مقالہ عربی زبان کی تدریس میں پیش آمدہ مشکلات سے متعلق ہے۔ مقالے میں ایسی عمومی مشکلات کا جائزہ اور اہم مشکلات کا بالاستیعاب تذکرہ کیا گیا ہے جن سے عربی زبان کے اُن طلبہ کو واسطہ پڑتا ہے جن کی مادری زبان عربی نہیں ہے۔ اس ضمن میں، جامعہ پنجاب میں دوران تدریس تجربات ومشاہدات کی روشنی میں نہ صرف مذکورہ مشکلات کا جائزہ لیا گیا ہے بلکہ اِن پرقابو پانے کے لیے بالترتیب تمام مشکلات کا حل بھی زیر بحث لایا گیا ہے۔ علاوہ ازیں بحث کے اختتام پراہم تجاویز بھی پیش کی گئی ہیں۔