Volumeاس مقالے میں ہیڈیگر کی ادبی فلاسفی کی طرف توجہ دلائی گئی ہے کہ شاعر سچی اور کھری بات اپنی شاعری میں اپنے وجود کی بنیادوں پر مجتمع کرتا ہے۔ مجید امجد اپنی شاعری میں انسان، زندگی، وجود اور کائنات کے شعور کوشش جہتی کے آئینے میں منعکس کرنے کا فن رکھتے ہیں۔ انھوں نے اردو شاعری میں غیرموجود کو وجود عطا کیا۔ وہ اپنی عرفانی فکر کو تصوف کے رنگ میں ڈھالتے ہیں۔ ان کی شاعری میں ابتدا ہی سے تصوف اور فکر کی جھلکیاں نظر آتی ہیں۔ انھوں نے اپنے دور آخر کی نظموں میں صداقتوں، سچائیوں، انکساریوں اور عاجزیوں کو قلم بند کیا ہے۔ دورِآخر میں ان کا خدا سے گہرا تعلق دکھائی دیتا ہے۔ مجید امجد کی نظمیں کائنات میں انسان کے وجود کے چھپے ہوئے رازوں کو روشن کرتی ہوئی نظر آتی ہیں۔
