سرشار صدیقی کی شاعری کا لب و لہجہ رجائی، بے باک اور جرأت مندانہ ہے۔ان کی نظموں کے موضوعات میں سیاسی بصیرت سے زیادہ سماجی شعور کی عکاسی پائی جاتی ہے۔ سرشار صدیقی نے بدلتی ہوئی زندگی کے تہذیبی و تاریخی پہلوؤں کی بھرپور عکاسی کی ہے۔انھیں اپنے وطن سے بھی بے پناہ محبت ہے اور حب الوطنی کا یہ جذبہ ان کے اندر کوٹ کوٹ کر بھرا ہوا ہے۔ اسی امر کو ملحوظ رکھتے ہوئے اس مقالے میں ان کی اس جہت کو نمایاں کرنے کی کوشش کی گئی ہے۔