رشید حسن خاں اردو تحقیق کا معتبر نام ہے۔ ان کی تحقیقی اور تدوینی خدمات کا دائرہ بہت وسیع ہے۔ لغت سےبھی ان کو دلچسپی تھی۔ انھوں نے تحقیقی مضامین کا آغاز لغت کے موضوع سے کیا۔ بعد میں انھوں نے کتنے ہی اہم کلاسیکی متون مدون کیے۔ انھوں نے کئی تحقیقی مقالات بھی لکھے جن میں کچھ باتیں وہ پہلی مرتبہ سامنے لائے اوربعض پہلے سے معلوم شدہ حقائق کی تائید بھی کی۔ اس مقالے میں رشید حسن خاں کی تحقیقی خدمات کا تجزیاتی جائزہ پیش کیا گیا ہے۔