نعتیہ شاعری کی روایت اسلامی تاریخ کانہایت روشن باب ہے۔ ہر شاعر نے اس موضوع پر کم و بیش لکھا ہے۔ اس بات کا اطلاق مسلم دنیا میں بولی جانے والی تمام زبانوں کے شاعروں پر ہوتا ہے۔ اس حوالے سے فارسی زبان کی بھی خاص اہمیت ہے جس میں نعتیہ شاعری کا ایک بہت بڑا ذخیرہ پایا جاتا ہے۔منیر لاہوری برصغیر کے معروف فارسی شاعر تھے جن کا تعلق شاہ جہاں کے عہد سے ہے۔ انھوں نے نبی ﷺ کی شان میں شاعری کی ہے۔ یہ مضمون منیر لاہوری کی فارسی نعتیہ شاعری کا جائزہ پیش کرتا ہے۔