Volumeمولانا الطاف حسین حالی دھیمے اورسادہ مزاج کے حامل انسان تھے۔ نہ صرف اردو بلکہ عربی و فارسی کی شعری روایتوں پر بھی ان کی عمیق نظر تھی۔ حالی شروع سے نئے نئے خیالات کو سراہنے والے شخص تھے۔ جدید اردو غزل کی روایت سازی میں حالی کا بڑا ہاتھ ہے۔ انھوں نے نئی نئی علامتوں کو استعمال کرنے کی کوشش کی۔ حالی نے غزل کے کلاسیکی نظام علامات کو ترک کرکے اپنے باطن کی علامتوں کو استعمال کیا۔ انھوں نے اردو میں غیرمردف غزل کہنے کی روایت متعارف کروائی۔ حالی نے جدید غزل کی طرح ڈالی اور حقیقت بھی یہی ہے کہ حالی کے جدید غزل کے خواب کی تعبیر اقبال کے کلام میں ملتی ہے۔
