کالم نگاری صحافت کا ایک حصہ ہے۔ جس میں طرزِ تحریر سب سے زیادہ اہمیت کا حامل ہوتا ہے۔ عصرِ حاضر میں اردو ناول، افسانے اور شاعری کے ساتھ ساتھ اردو کالم نگاری کی روایت جس قدر جلد مستحکم ہوئی ہے وہ ایک حیرت انگیز عنصر ہے۔ زیرِ نظر مضمون میں تین نمائندہ معاصر کالم نگاروں نذیر ناجی، امجد اسلام امجد اور کشور ناہید کو ان کی لسانی مہارت کے تناظر میں زیرِبحث لایا گیا ہے۔ چونکہ مذکورہ اردو کالم نگاروں نے اپنے انفرادی ادبی اسلوب کی بہ دولت شہرت سمیٹی ہےاس لیے مقالے میں ان کے کالموں کی اسلوبی خصوصیات پر بہ طور خاص توجہ دی گئی ہے۔