Volumeعبداللہ شاہ المعروف بلھے شاہ کا شمار پنجابی زبان کے نام ور شعرا میں کیا جاتا ہے۔ اس مقالے میں ان کی فکر و عمل کا جائزہ لیا گیا ہے اور بتایا گیا ہے کہ بلھے شاہ عام لوگوں کے ان افکار و نظریات میں یقین نہیں رکھتے تھے، جو برصغیر کے سماج میں برہمنوں کے طبقاتی نظام کے نتیجے میں ظہور پذیر ہوئے تھے۔ ان کے عہد میں پنجاب انتشار پسندی کی زد میں تھا اور عام مسلمان ان لوگوں سے نفرت کرتے تھے، جو سماج کے کم تر طبقات سے تعلق رکھتے تھے۔ چناں چہ بلھے شاہ نے اپنی شاعری کے ذریعے اس امر کا پرچار کیا کہ وہ اس قسم کے خیالات کے حامی نہیں کیوں کہ ان کے نزدیک انسانیت زیادہ اہم ہے۔
