ایڈورڈ سعید مو جودہ عہد میں سب سے زیادہ اثر انگیزلکھاری ہے جس نے مغرب میں مشرق کا دفاع کیا ہے۔ایڈورڈ سعید نے شرق شناسی کے تمام پہلوؤں کا احاطہ کیا ہے۔اس کے ہاں شرق شناسی کی تاریخ، ارتقا،مشرقی عوام پر ہونے والے اثرات کے ساتھ موجودہ دور میں ہونے والی شرق شناسی پر بھی بحث کی ہے۔اس نے یورپی سامراجیت میں مستشرقین کے ان پہلوؤں کو بیان کیا ہے جو نظروں سے اوجھل تھے۔ایڈورڈ سعید کے نزدیک مستشرقین نے نو آبادیات کے دوران میں اپنی سامراجی حکومتوں کے لیے لازوال کردار ادا کیا۔ اس مضمون میں ایڈورڈ سعید کی خدمات شرق شناسی کی روایت میں ان کی کتاب Orientalismکے تناظر میں ان کے مقام کا تعین کیا گیا ہے۔