نذیر احمد کا نسبتاً کم معروف ناول ایامیٰ، بیوہ کے نکاحِ ثانی کی تفہیم، معاصر صورتِ حال اور انیسویں صدی کے اخیر میں اشراف عورتوں کے اختیار کو سمجھنے کے حوالے سے اہم ہے۔ نذیر احمد نے اس ناول میں ہندوستان میں تیزی سے بدلتی ہوئی صورتِ حال کی نمائندگی کی ہے۔ اس مقالے میں مصنف نے ایامیٰ کا تجزیہ بیانیہ صورتِ حال کو مدنظر رکھتے ہوئے کیا ہے اور آزادی بیگم کے کردار کی مختلف جہات کو کھول کر واضح کیا ہے۔ |