مقالہ نگار: برنی، عائشہ سعید انجمن ترقی اردو: شعبۂ خواتین کی خدمات (۱۹۵۲ء-۱۹۶۱ء)

نومبر ۱۹۵۲ءمیں مولوی عبدالحق نے انجمن ترقی اردو کے ایک اہم اجلاس میں محترمہ بیگم محمد شریف کو انجمن کے شعبۂ خواتین کا تاحیات صدر منتخب کیا- اس وقت تک انجمن ترقی اردو اپنے قیام کے پچاس سال پورے کر چکی تھی- انجمن ترقی اردو اور اردو زبان کے فروغ و ترویج کی تحریک میں بھی خواتین کا کردار اس وقت اہم ہو گیا جب مولوی عبدالحق نے شعبۂ خواتین (پاکستان) قائم کیا- یہ شعبہ اپنے قیام (۱۹۵۲ء) سے لے کرمولوی عبدالحق کی وفات (۱۹۶۱ء) تک فعال کردار ادا کرتا رہا اور باقاعدہ تحریک کی حیثیت اختیار کر گیا- اس مقالے میں سال بہ سال اجلاسوں، کانفرنسوں و دیگر علمی، تعلیمی و ادبی کارگزاریوں کو ایک رپورٹ کی شکل میں پیش کیا جا رہا ہے تاکہ انجمن ترقی اردو کی اس شاخ کی کارکردگی کو اجاگر کیا جا سکے-