Volumeاقبال کی غزل میں فلسفۂ اخلاق بنیادی اہمیت کا حامل موضوع ہے۔ انھوں نے اخلاقی اقدار کو اجاگر کرنے کے لیے کئی ایک تلمیحات استعمال کی ہیں اور تاریخِ اسلام سے بعض کرداروں کو بہ طور نمونۂ حیات پیش کیا ہے۔ معاشرے میں اقداری تبدیلی کے سلسلے میں انھوں نے اسلامی تعلیمات کے ان پہلوؤں پر روشنی ڈالی ہے جو انسان کے خارج اور باطن دونوں میں تبدیلی کے لیے اکسیر ہیں۔ اس مقالے میں اقبال کی غزل میں فلسفۂ اخلاق پر جامع روشنی ڈالی گئی ہے۔
