سیاسی، دفتری، تجارتی، کاروباری، اطلاعاتی، علمی، معلوماتی، شخصی اور خیالی خطوط کے ساتھ ساتھ اس دور کی مکتوب نگاری میں ایک طرز جو بہت مقبول ہوئی وہ ان رومانوی خطوط کی تھی جو شعر و ادب کی دنیا کے معروف مثالی جوڑوں نے ایک دوسرے کو لکھے - بیویوں کے شوہروں کے نام اور شوہروں کے بیویوں کے نام خط لکھنا کوئی نئی بات نہیں مگر ان خطوط کی اشاعت یقینا نئی بات تھی- اس لیے جب یہ خطوط شائع ہوئے تو انھیں ہاتھوں ہاتھ لیا گیا-اس مقالے میں ان ادیب جوڑوں کے ایک دوسرے کے نام لکھے گئے خطوط کا تفصیلی محاکمہ کیا گیا ہے-