ادیبوں کی ایک بڑی تعداد نے اپنے ناولوں میں سانحۂ مشرقی پاکستان کو بیان کیا ہے۔ ناول نگاروں نے اس واقعے کو نہ صرف شدت سے محسوس کیا بلکہ اس واقعے کے اسباب و عوامل کو ہمیشہ کے لیے محفوظ کر دیا۔ ان ناول نگاروں میں رضیہ فصیح احمد، انتظار حسین، قرۃ العین حیدر، الطاف فاطمہ، فہمیدہ ریاض، طارق محمود، حسین الحق، عنایت اللہ، سلمیٰ اعوان اور دوسرے بہت لوگ شامل ہیں جن کے ناولوں کے متعلق اس مقالے میں بات کی گئی ہے۔