اردو داستانوں میں جہاں مافوق الفطرت عناصر اور اساطیری رنگ ملتا ہے وہیں محبوب کی تصویر بھی اپنی مکمل جزئیات کے ساتھ ابھرتی ہے۔ داستانوں کا ماحول ہندو تہذیب و تمدن سے متاثر ہے۔ دیویوں کے سراپے اور ان سے جڑا جمالیاتی احساس مشرقی محبوب سے دور سہی لیکن اردو داستانوں میں اس کے اثرات یقیناً پائے جاتے ہیں۔ سراپا نگاری کے حوالے سے اردو داستانوں میں سرِفہرست باغ و بہار اور فسانۂ عجائب ہیں۔